Yevrokomissiya Gruziyaga Yevropa Ittifoqiga nomzod davlat maqomini berishni tavsiya qilmoqda.

Biroq, bu taklif bir qator shartlar, jumladan, Bryussel olib borayotgan tashqi siyosatga mos kelishi bilan birga keladi. Bu haqda Yevrokomissiyaning Facebook’dagi sahifasidagi rasmiy bayonotida ma’lum qilingan*.

Yevropa Komissiyasining tavsiyalarida to‘qqiz banddan iborat shartlar keltirilgan. Ular orasida Gruziya harakatlarining Yevropa Ittifoqining umumiy tashqi va xavfsizlik siyosatiga mos kelishiga alohida e'tibor qaratilmoqda. Yevrokomissiya Gruziyaga Yevropa Ittifoqiga nomzod maqomini berishni tavsiya qiladi, garchi Tbilisi o‘tgan yili YeI tomonidan taqdim etilgan barcha talablarni bajara olmagan.

Gruziyaga nomzod maqomini berish bo‘yicha yakuniy qaror Yevropa kengashi tomonidan 14-15 dekabr kunlari qabul qilinadi.

2022-yilning mart oyida “Gruziya orzusi” raisi Irakliy Kobaxidze Gruziyaning Yevropa Ittifoqiga aʼzolikka nomzod boʻlish uchun arizasini eʼlon qildi. Xuddi shu qadamni Gruziya Bosh vaziri Irakliy Gariboshvili o‘sha yilning 3 martida qilgan edi.